Asa Makapalit og Baratong Regalo Karong Pasko?

Mga Bisaya, pila ka adlaw na lang, Pasko na!

Panahon na sad sa gamhanang pangutana: asa makapalit og barato nga regalo karong Pasko? Oo, magbalik-balik gyod ning pangutana ilabi na nga nagkadaghan ang hataganan og regalo samtang magkatiguwang unya magkagamay ang madawat.

Usa ta mangutana ani, kinahanglan una natong hunahunaon kon unsa gyod kahay gustong madawat sa atong hatagan. Tingali ang atong kahago mausik lamang.

Kon kahibawo na ta unsa ilang gusto, o bisan ideya lamang unsa kahay posible nga ganahan nila, mao ni ang sagad nga palitanan og baratong mga regalo karong Pasko, mga Bisaya.

 

ADTO SA COLON O MERKADO

Kon nagpuyo kag Sugbo, siguro na man sad nakataak na mog Colon. Sa ubang mga lugar, ang merkado sa inyong lugar o basin dunay lugar dinha sa inyo nga daghang mga manindahay og mga duwaan o gamit.  Sa tinuoray lang, kon mamalit ka niining mga lugara mas dakong purohan nga mas barato kini kaysa sa mapalit nimo sulod sa hamugaway nga mall.

Nagbayad ka sa aircon ug convenience kon mag-shopping ka sa SM o Ayala. Kinahanglan lang gyod nga magmatngon kon mag-shopping sa Colon. Kuyaw ma-snatchan ka.

 

DAGHAN AND SALE UG BAZAAR

Sa pagduol sa Pasko, magkadaghan usab na ang mga palitanan og duwaan. Way duda! Niining mga lugara daghang mga posibleng regalo. Kon makahangyo ka, mas maayo.

Kon makapalit ka og mga regalo sa labing daling panahon, dakong purohan nga mas barato kini. Sa pagduol sa Pasko, mga Bisaya, magkamahal usab ang mga regalo. Mobalik ra nag barato inig liwas sa adlaw ni Kristo.

 

PALIT SA ONLINE

Panahon na karon sa teknolohiya, mga Bisaya. Ang online shopping nahimo na usab nga medium aron makapalit og bisan unsa na lang nga dili na nimo kinahanglan mogawas sa inyong balay. Ang imong gipalit i-deliver na lamang sa atubangan sa imong pultahan sa balay.

Ang Lazada niining mga adlawa nagkadaghan usab ang mga sale nga posible nimong palitan og baratong regalo. Gikan sa accessories paingon sa gadgets ug bisan gani mga gamit sa balay, mapalit na man kini sa online stores sama sa Lazada.

Ang problema lang hinuon ani kay basin ma-late ang delivery tungod sa kadaghan. Apan ang nakanindot base sa experience namo sa akong mga higala, inig ugma maabot na man ang among order. Tingali sa pila na ka tuig nga mopalpak ang delivery matag Pasko nakat-on na sila.

Tungod sa door-to-door deliver ug cash-on-delivery sa Lazada, mga Bisaya, morag makasiguro gyod ta nga dili hasol ang online shopping. Sa paglabay sa mga tuig, siguradong mas makat-on ang mga tindahan unsaon pagtarong sa online delivery.

Ayaw lang sad palabi ilabi na kon dili kasaligan ang online store. Kay sayang ang oras kon dili gyod moabot ang imong gi-order nga regalo alang karong Pasko.

 

About Rome Nicolas

Magsusulat sa Binisaya. Garbo iyang pagka-Bisaya. Hilig og kaon. Laagan. Tatak Bisaya. Padayon!

View all posts by Rome Nicolas →

Leave a Reply

Your email address will not be published. Required fields are marked *